7 гыйнварда кадерле тормыш иптәшем Җәләлов Айрат Җәүдәт улының 50 яшьлек алтын юбилее

7 гыйнварда кадерле тормыш иптәшем, әтиебез Җәләлов Айрат Җәүдәт улының 50 яшьлек алтын юбилее.
Кадерлебез, юбилеең белән чын күңелдән котлыйбыз. Син тырыш, хезмәт сөючән, киң күңелле, ярдәмчел, һәрвакыт көләч йөзле, тәмле телле. Горурланырлык әти һәм ир, нинди эшкә тотынсаң да син булдырасың. Синең белән тормыш юлы буйлап бару бик җиңел. Безнең бергә яшәгән һәрбер көнебездән бәхет һәм матурлык балкый. Синнән башка мин бәхетле була алмас идем, алдагы көннәрне дә шулай матур итеп яшәвебезне телим. Балаларны тормыш юлына бастырып, аларның уңышларына шатланып яшик.
Хөрмәтле әтиебез, рәхмәт сиңа барысы өчен дә. Син безнең өчен бик зур терәк. Киләчәк тормышыңда меңнәрчә бәхет-шатлыклар, сәламәтлек, эшеңдә күптән-күп уңышлар телибез. Бүгенгедәй сау, яшь, матур булып яшә. Син безгә бик кирәк.
Иң изге теләкләр белән тормыш иптәшең Миләүшә, улың Адель, кызларың Аделә һәм    Азалия.