Күпчелек авылларда клуб бердәнбер мәдәният учагы булып тора. Шул ук вакытта мәдәният учреждениесенең уңышлы эшләве җирлек җитәкчелеге, мәктәп, ә элеккеге елларда тагын әле колхоз я совхоз белән ничек хезмәттәшлек итүгә бәйле. Нәкъ менә шундый хезмәттәшлек Карамалы авылында булган һәм бар. Шуңа да биредә яшәүчеләрнең тормышы кызыклырак, яктырак. Бүген без укучыларыбызга авыл мәдәният йорты мөдире Рамил Хәсәншин турында сөйлибез.
