Әлки хәбәрләре
  • Рус Тат
  • Әлки кулланучылар кооперативының сугым цехы, үз теплицалары бар

    “Әлки” җитештерү кооперативында узган ел халыктан 75 тонна ит, 3,5 тонна йон, дистәләгән тонна яшелчә кабул ителгән.

    Бу турыда кооперативның 1 февральдә үткән хисап җыелышында әйтелде. Җыелышта район башлыгы Александр Никошин, Татпотребсоюз идарәсе рәисе урынбасары Дамир Җамалиев, “Эдем” җәмгыяте җитәкчесе Гөлнур Сафина катнаштылар.

    Карга авылында оешкан кооператив әле яшь коллективлардан санала. Шулай да биредә инде күп юнәлешләрдә эшләр башкарыла. Халыктан авыл хуҗалыгы товарлары кабул итү белән бергә, монда күп төрле ярымфабрикатлар эшләнә. Яңа ел алдыннан гына сугым цехы ачылды. Андагы ит хәләл сертификатына ия булачак. Үз теплицаларын да төзегәннәр.

    Реклама

    Кооперативта бүген 11 кеше хезмәт куя. Ел ахырына эшләүчеләр саны 17-18 булыр, ә тора-бара 30 га җитәчәк. Бу турыда җитештерү кооперативы рәисе Агыйдел Турина сөйләде.

    Җыелышта Александр Никошин һәм Гөлнур Сафина Татпотребсоюзның йомгаклау коллегиясенә делегатлар булып сайландылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: