Әлки хәбәрләре
  • Рус Тат
  • Әлки районы башлыгы өлкәннәр йортында булды

    Район башлыгы Александр Никошин Юхмачы өлкәннәр һәм инвалидлар интернат-йортында тәрбияләнүчеләрнең яшәү шартларын карады.

    Интернатта 70 кеше тәрбияләнә. Бирегә керү-чыгу элек тә чикләнә иде. Хәзер инде өлкәннәр йортына кертү режимы тагын да кырысланган. Бу биредә яшәүче өлкән яшьтәгеләрнең сәламәтлеген кайгыртып эшләнә.

    Интернат директоры Евгений Васяйчев район башлыгын бинага инфекция үтеп керүгә каршы алып барыла торган чаралар, санитария таләпләренең үтәлеше белән таныштырды.

    Өлкәннәр бинадан чыкмый гына яшәргә, ягъни изоляциядә булырга кирәклеген аңлый икән. Аларга бу турыда сөйләп тә, видеороликлар күрсәтеп тә төшендергәннәр.

    Район башлыгы интернатның азык-төлек, башка кирәк-яраклар белән ничек тәэмин ителүе  белән дә кызыксынды. Бу мәсьәләдә  тоткарлыклар юк икән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: