Әлки хәбәрләре
  • Рус Тат
  • Әлки районы музеенда купец Лисенковлар гаиләсе Яңа елны бәйрәм итте

    С. М. Лисенков исемендәге төбәк тарихын өйрәнү музеенда “Купец Лисенков гаиләсендә Яңа ел бәйрәме” театрлаштырылган тамашасы үткәрелде.

    Музей хезмәткәрләре купец һәм аның хатыны, балалары, Кыш бабай, Кар кызы рольләренә кереп, бизәлгән чыршы тирәсендә балаларга күңелле бәйрәм оештырдылар. Алар шулай ук төрле халыкларның Яңа елны ничек каршылаулары турында сөйләделәр, традицияләре белән таныштырдылар.

    Кыш бабай белән Кар кызы балалар белән бергә уйнадылар, җырладылар, биеделәр, чыршы тирәли әйлән-бәйлән әйләнделәр. Малайлар- кызлар алар әйткән табышмакларга җавапларны да тиз таптылар.

    Реклама

    Бу тамашада музей оештырган “Яңа ел сувениры” бәйгесенә нәтиҗә дә ясалды. Анда катнашучыларны дипломнар белән бүләкләделәр, ә алар ясаган уенчыкларны чыршыга элделәр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: