Әлки хәбәрләре
  • Рус Тат
  • Әлки районында 1202 гаилә ана капиталы сертификатына ия булган

    Ана капиталы средстволарын түләү вакыты кыскартылды, дип хәбәр итә Пенсия фондының район идарәсе белгечләре.

    Моңа кадәр ана капиталын алу гаризасын карауга бер ай һәм аның средстволарын күчерүгә тагын бер ай вакыт бирелә иде. Хәзер исә гаризаны өйрәнү вакыты бер ай дәвам итә, ә акчасын түләү срогы 10 көнгә кадәр кыскартыла. Шулай итеп, ана капиталы средстволарын алу хәзер гариза биргән көннән соң бер ай ун көннән озакка сузылмаячак.

    Реклама

    Ана капиталының күләме 453 мең 26 сум тәшкил итә. Әлеге программа гамәлгә кергәннән бирле районыбызда 1202 кеше ана капиталы сертификатына ия булган. Аларның 1033 е әлеге средстволарны файдаланган (освоили) инде. Күпчелеге аны торак шартларын яхшыртуга тоткан. Балаларының укуы өчен түләүгә файдаланучылар да бар. Исегезгә төшерәбез, ана капиталын тагын әни кешенең булачак пенсиясен формалаштыруга һәм инвалид балалар өчен товарлар һәм хезмәтләргә түләүгә дә кулланырга була.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: