Әлки хәбәрләре
  • Рус Тат
  • Әлки районында быел Бөек Җиңү көнендә “Үлемсез полк” маршы сафлары күпкә ишәячәк

    Быел районда 9 Май - Җиңү көненә багышланган митингта "Үлемсез полк" маршы тагын да зуррак колач белән үтәргә тора.

    Реклама

    Соңгы елларда Җиңү бәйрәмендә район үзәгендә "Үлемсез полк" маршында йөзләп кеше катнашты. Бөек Ватан сугышында туган илебез азатлыгын яклап көрәшкән әтиең, дәү әти-дәү әниең фотоларын тотып "Үлемсез полк" сафларында атлап узу - үзе зур горурлык. Районыбызда Бөек Ватан сугышы афәте кагылмаган нәсел, гаилә калмагандыр. Ул дәһшәтле еллар хәтирәләре һәм ядкәрләре һәр өйдә диярлек бар. Шуңа быел "Үлемсез полк" маршында катнашучылар аеруча күп булыр дип фаразлана, һәм әлкилеләрнең бу чарага алдан ук әзерлек чаралары күрүе сорала. Моның өчен якыннарыңның фотосын А-4 форматындагы рамкага урнаштырып, аны махсус тоткычка беркетеп ясау зарур. Аннан инде үзеңнең "Үлемсез полк" маршында катнашу теләгеңне район хакимиятенә белдерү сорала. Соңрак без бу хакта хәбәр итү өчен телефон номерларын да күрсәтеп язарбыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: