Әлки хәбәрләре
  • Рус Тат
  • Әлки районының “Яшь гвардия” оешмасы активистлары өлкәннәр һәм инвалидлар интернатына килде. ФОТО

    Районыбызның "Яшь гвардия" оешмасы активистлары, өлкәннәр һәм инвалидлар интернатында булып, әбиләр-бабайлар белән аралаштылар.

    Әлеге очрашуны яшьләр "Ярдәм кулы суз" хәйрия акциясе кысаларында оештырдылар. Егетләр-кызлар өлкәннәрнең интернатта ничек яшәүләре белән кызыксындылар, алар белән шахмат-шашка уйнадылар, фотога төштеләр. Ә әбиләрне 8 Март бәйрәме белән тәбрикләп, үз куллары белән ясалган сувенирлар бүләк иттеләр. Аннан соң бергә сөйләшә-сөйләшә чәй эчтеләр.

    "Өлкәннәребез яшьләр белән аралашырга бик ярата. Күңелләре күтәрелә, үзләре дә яшәреп киткәндәй булалар,-ди интернатның социаль хезмәтләр буенча белгече Татьяна Клянина. -Мондый очрашулар егетләр-кызлар өчен дә эзсез үтми, аларда кешелеклелек, бүтәннәр хәленә керә белү, кызгану кебек хисләр тәрбияли".

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: