Әлки хәбәрләре
  • Рус Тат
  • Әлки районында булган авариядә 5 кеше зыян күргән

    29 июль иртәсендә Алексеевск-Югары Колок автоюлының 61 нче километрында булган авариядә биш кеше зыян күргән.

    Юл-транспорт вакыйгасы  5.46 сәгатьтә була. Түбән Әлки-Югары Колчурино  юллары чатында ике транспорт чарасы бәрелешә. Беренчел мәгълүматлар буенча, җиңел автомобиль йөртүчесе Югары Колок ягыннан Алексеевскига таба барганда юл хәрәкәте кагыйдәсен боза – алда хәрәкәт итүче транспорт чарасына кадәр булырга тиешле хәвефсез дистанцияне сакламый. Нәтиҗәдә машина юллар чатында сулга таба борылу маневры  ясаучы автобуска килеп бәрелә. 

     

    Авариядә зыян күреп, 5 кеше район үзәк хастаханәсенә мөрәҗәгать иткән. Район ЮХИДИ бүлекчәсе начальнигы Рәис Сафин әйтүенчә, юл-транспорт вакыйгасының сәбәпләре, шартлары тикшерелә.        

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: