Әлки хәбәрләре
  • Рус Тат
  • Әлки районында яңа елда автоинспекторлар инде өч исерек йөртүчене “эләктергән”

    Район ЮХИДИ хезмәткәрләре узган атнада юл хәрәкәте кагыйдәләрен бозуның 45 очрагын ачыклаганнар.

    Ә Чуаш Кичүе авылында яшәүче берәү, үзенең һәм башкаларның иминлеген куркыныч астына куеп, исерек хәлдә автомобиль руле артына утырган. Салмыш шоферны инспекторлар туктатып, беркетмә төзегәннәр.

    Яңа елның беренче атнасында алкоголь кулланган хәлдә машина белән идарә иткән ике йөртүче (Базарлы Матак һәм Әхмәт авылларында яшәүчеләр) тоткарланган иде.

    Юл хәрәкәте таләпләрен санга сукмыйча, исерек килеш руль артына утыручыларның язмышын суд хәл итәчәк. Алар кимендә ел ярым автомобиль белән идарә итү хокукыннан мәхрүм булачак һәм 30 мең сум административ штраф туләячәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: