Әлки хәбәрләре
  • Рус Тат
  • МӨҺИМ! ҺАВА ТОРЫШЫ БОЗЫЛА!

    Синоптиклар һава торышы үзгәрү хакында хәбәр итә һәм юлларда сак һәм игътибарлы булуыбызны сорый.

    Бүген республика территориясендә циклонлы һава торышы хөкем сөрә. Көн дәвамында анда-монда яуган кар - шуңа бер дәлил. Төнгә температура -6 градуска кадәр төшәргә мөмкин.

    Иртәгә, 31 нче октябрьдән 1 нче ноябрьгә каршы төндә, һава торышының кискен үзгәрүе көтелә. Кар иясә карлы яңгыр яварга мөмкин, моңа өстәп күрү мөмкинлеген 1 000 метрга кадәр чикләүче буран булырга мөмкин диелә. Көньяк-көнчыгыштан исүче җилнең тизлеге секундына 15 метрга кадәр җитүе бар. Юлларда бозлавык булырга мөмкин. Төнлә һава температурасы +1 градустан алып, -6 градуска кадәр төшәргә мөмкин.

    Тәгәрмәчләрегезне кышкыга алыштырмаган булсагыз, аеруча сак булыгыз! Әгәр ерак юлга чыгуны кичектереп тору мөмкинлегегез булса, аннан файдаланыгыз!

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: