Әлки районында беренче сыйныф укучыларының белемнәрен тикшерә башладылар

Мәктәптә укуның беренче елында балаларның фәннәрне ничек үзләштерүен өйрәнү 23-25 апрельдә он-лайн режимда үткәрелә. Балалар, компьютер каршында утырып, интервьюер (укытучы, психолог) ярдәмендә сорауларга җавап бирәләр.

Ә  4,5,6,11 сыйныфлар укучылары төп фәннәр буенча Бөтенроссия тикшерү эшләре башкаралар. 6 һәм 11 сыйныфлар укучылары тикшерү эшләрендә апробация режимында катнашалар, шуңа контроль эшләр өчен фәннәрне алар үзләре сайлый. Болар хакында безгә район мәгариф идарәсе методисты Рәйсә Яруллина хәбәр итте.