Әлки районының Салман авылына юл асфальт белән тоташты

Юл әле  ачык дип саналмаса да, автомобильләр  асфальттан йөри башлады. Һава торышы мөмкинлек бирсә, юл төзүчеләр быел асфальтның икенче катын җәеп, анда билгеләр (разметка) да ясарга җыеналар. Шулай ук  юл билгеләренә дә заказлар бирелгән, димәк, тиздән алар да урнаштырылыр. Бу участокта тагын бер зур эш – юл кырыена вак таш җәюне башкарасы бар. Шул эшләр беткәч, әлеге юнәлештә автомобильләр хәрәкәте рәсми төстә рөхсәт ителәчәк.