Дәү әниебез Галимова Хәйрия Сәетгәрәй кызының 90 яшьлек олуг юбилее

14.01.2018 08:08 | Вас поздравляют Принтерга

Дәү әниебез Галимова Хәйрия Сәетгәрәй кызының 90 яшьлек олуг юбилее

14 гыйнварда Югары Әлморза авылында яшәүче сөекле әниебез, дәү әниебез Галимова Хәйрия Сәетгәрәй кызының 90 яшьлек олуг юбилее.

Дистәләрне дистәләргә кушып, гомер йомгакларын сүтсә дә, күңел матурлыгын саклап, җан аклыгын башкалар белән бүлешеп яши ул безнең әниебез. Безне дә үзе кебек итагатьле, сабыр һәм түзем булырга, бүтәннәрнең, тормышның кадерен белергә өйрәтеп үстерде. Бүгенге көндә дә әниебез безгә төпле киңәшче, җаныбызны җылытучы, туган йортыбыз учагын сүндермичә саклаучы, иң изге, иң газиз кешебез. Әнкәй, ак яулыгыңны бәйләп, изге догалар укып безне каршы алып, озатып калып тагын күп еллар яшә әле. Без балаларың, оныкларың сиңа Ходайдан саулык, озын гомер сорыйбыз. Туар таңнарың якты, имин булсын. Алга таба да өебезнең нуры, тормышыбыз яме булып, кадер-хөрмәттә гомер кичерсәң иде. Без сине бик яратабыз.

Ашкынып, сагынып кайтабыз без,

Туып-үскән йортка, ояга.

Күңелебез тулы шатлык була

Әниебез бар дип дөньяда.

Рәхмәтеннән Ходай ташламасын,

Кунагы бул якты дөньяның.

Озак яшә, утын сүндермичә

Балаларың үскән ояның.

Изге теләкләр белән балаларың, оныкларың, оныкчыкларың.

 


Будь в курсе последних событий! Читай tatmedia.ru


Фикереңне яз


Робот түгелдерсез бит?
Яңарту