Әлки ЗАГСында җәйнең беренче аенда 10 пар никахлашкан, 9 бәби теркәлгән

Ә елның беренче яртысында 34 гаилә төзелгән. Узган айда бүлектә 9 бәби теркәлгән. Аларның 4 есе малай, 5 есе кыз. Ел башыннан бирле исә 56 нәни әлкилене – 33 малай һәм 23 кызны исәпкә алганнар.

Ни кызганыч, үткән айда 8 гаилә (6 айда – 21) таркалган, 31 райондашыбыз вафат булган, ә ел башыннан бирле 152 әлкиле бакыйлыкка күчкән.

Чагыштыру өчен: 2020 елның июнендә ЗАГС бүлегендә 13 бәби (ел башыннан – 60) исәпкә алынган, 4 туй (23) булган, 5 пар (13) таркалган, 26 кеше (157) мәңгелеккә күчкән.