Әлки хәбәрләре
  • Рус Тат
  • Әтиебез, дәү әтиебез Мусин Шәүкәт Шәрифулла улына 19 июньдә 80 яшь тула

    --, 19 июнь 2021 - 07:29
    1323
    0
    0

    Чуаш Кичүе авылында гомер итүче әтиебез, дәү әтиебез Мусин Шәүкәт Шәрифулла улына 19 июньдә 80 яшь тула.
    Кадерле әтиебез! Сине 80 яшь тулу уңаеннан – юбилеең белән кайнар котлыйбыз. Безне аякка бастырып, олы юлга чыгарганчы әни белән сиңа күп сынаулар үтәргә туры килгәндер. Әниебез белән безне кадерләп үстереп, үз юлыбызга аяк басарга булышканың, яратып-сөеп, аталарча кайгыртканың, гаделлеккә өйрәткәнең өчен зур рәхмәт сиңа, әти. Без барыбыз да тормышта үз юлыбызны таптык, сезнең йөзгә кызыллык китермәскә тырыштык. Син безнең өчен һәрчак олы җанлы, киң күңелле кеше, таянычыбыз, ышанычыбыз, киңәшчебез, яшәү өлгебез. Һәрвакыт ягымлы, йомшак күңелле генә булып калмыйча, кирәк вакытта кырыс та, таләпчән дә була белдең.
    Әти! Ата-ана һәм туган кадерен белергә өйрәткәнең, туган нигезгә кайтканда кочак җәеп каршы алуың өчен бик зур рәхмәт сиңа. Әти, син балаларыбызга да ягымлы дәү әти. Әни белән бер-берегезгә куаныч, терәк, ышаныч булып озак гомер итегез. Әти! Сиңа язгы кояш нурларыдай аяз көннәр, иртәләр, исәнлек-саулык, җан тынычлыгы, озын гомер, ак бәхетләр телибез. Картлык көннәрең бары тик шатлыкта гына үтсен. Гел шулай көләч, ягымлы бул. Безне сөендереп озын-озак яшә!
    Иң изге теләкләр белән балаларың, кияүләрең, киленең һәм оныкларың. Барлык теләкләргә әниебез дә кушыла.

    Нравится
    Поделиться:
    Реклама
    Комментарии (0)
    Осталось символов: