Әлкинен, Кулибин яраткан эшен бөтен гаиләсенә “йоктырган”, ә хәзер үзенең ютуб-каналын да булдырган
Районда теләсә кайсы зур авыл хуҗалыгы техникасы күргәзмәсендә “Акрос”, Нью-Холланд, К-740 кебек куәтле тракторлар белән беррәттән тыйнак, әмма горур булып җирле Кулибиннарның оста куллары ясаган машиналар, мотоблоклар, бүтән агрегатлар тора. Нәкъ менә шулар янында халык мәш килә, һәр детальне игътибар белән карарга тырышалар, хуҗаларына сорау яудыралар, алар белән истәлеккә фотога төшәләр. Шундый техниканы уйлап табучыларның берсе белән якыннанрак танышу өчен без иртүк Түбән Колчурино авылына юл тоттык.
