Әлки районында яфрак азык җыярга керешәбез

Район учреждение-предприятиеләренә яфрак азык һәм витаминлы үлән хәзерләү буенча план җиткерелде.

Яфрак азык яшь маллар өчен кышкы чорда менә дигән витамин чыганагы. Аны вакытында җыеп алып, бар таләпләрне үтәп киптереп саклауга куйсаң, кышын бозаулар сау-сәламәт, көр булып үсәчәк. Шуңа да елның елында районда яфрак азык, витаминлы үлән хәзерләүгә зур игътибар бирелә. Хәзер, яшел азыкның иң файдалы вакытында, һәр хезмәт коллективына, авыл җирлекләренә бу эшкә керешергә кушылды. Җыелган яфрак һәм үләнне терлекчелек комплексларына тапшырасы. Витаминлы азык хәзерләү июль урталарына кадәр дәвам итәчәк.