Иганәчеләр конкурсында җиңүче

14 апрельдә Казанда Татарстан Республикасы Президенты Рөстәм Миңнеханов "2015 ел иганәчесе" республика конкурсында җиңүчеләрне бүләкләде.

Моннан 10 ел элек республикада иганәчелек буенча совет барлыкка килгән иде. Шушы чорда әлеге конкурста 1700 кеше катнашкан, иганәчеләрдән мохтаҗларга ярдәм итү, төрле максатларда куллану өчен 23 миллиард сум акча кергән.

Узган ел нәтиҗәләре буенча төрле номинацияләрдә җиңүчеләрне Рөстәм Миңнеханов үзе котлады. Бүләкләнүчеләр арасында районның "Хузангай" җәмгыяте генераль директоры Евгений Чугунов та бар.