Узган ел Әлки районы юлларында 12 авариядә кешеләр зыян күргән – 2 кешенең гомере өзелгән

12 авариядә кешеләр зыян күргән - 2 кешенең гомере өзелгән, 15 кеше, шул исәптән бер бала тән җәрәхәтләре алган.

Район ЮХИДИ бүлекчәсе начальнигы Рәис САФИН әйтүенчә, авыр нәтиҗәләргә китергән аварияләр нигездә транспорт чарасын юлда дөрес урнаштыру кагыйдәләренең бозы­луы, дистанция сакла­мау, юлдан узу чиратын үтәмәү, транспорт белән исерек хәлдә идарә итү аркасында килеп чыккан.

Былтыр юл хәрәкәте кагыйдәләрен бозуның 3549 очрагы ачыклан­ган. Кагыйдәләрне ту­пас рәвештә бозу оч­ракларына килгәндә, 86 йөртүче руль артына салмыш хәлдә утырган өчен тоткарланган, кар­шы хәрәкәт полосасы­на чыгуның 16 очрагы теркәлгән. 14 йөртүче юлда җәяүлеләргә өстенлек бирмәгән, 568 кеше машинадагы хәвефсезлек каешларын каптырмый юлга куз­галган, 342 йөртүче тиз­лек режимын бозган, 22 кеше транспорт чарасы белән "права"сы булма­ган килеш идарә иткән. Җәяүлеләр арасында да юлда хәвефсезлек таләпләрен үтәүгә сал­кын караучылар бар. Узган ел алар тарафын­нан кагыйдә бозуның 34 очрагы теркәлгән. 203 кеше исә администра­тив штрафын вакытында түләмәгән.

Ә гомумән алганда бы­лтыр аннан алдагы елга караганда район юлла­рындагы вазгыять уңай якка үзгәргән. Әйтик, 2016 елда 190 авария бул­ган, 18 юл һәлакәтендә 2 кеше (берсе бала) үлгән, 29 кеше (икесе бала) зыян күргән.

-Соңгы елларда руль артына утыручыларның юлда йөрү культурасы арта баруы күзәтелә,-ди районның баш автоин­спекторы Рәис Сафин. - Ничек кенә булмасын, за­кон тыңлаучан, тәртипле йөртүчеләр күпчелекне тәшкил итә. Ул шулай булырга тиеш тә. Хәзер юлларда транспорт таш­кыны бик зур. Машина йөртүчеләр дә, җәяүлеләр дә бер-берсен хөрмәт иткән, кагыйдәләрне төгәл үтәгән очракта гына юлда хәвефсезлекне тәэмин итеп булачак.