Әлки районына мобиль поликлиника кабат килә

Республика клиник хастаханәсе табибларыннан тупланган бригада махсус җиһазландырылган автомобильдә үз эшен 17 февральдә Алпар төбәгендә башлап җибәрәчәк. Анда табиблар тулы атна эшләп, тирә-як авылларда яшәүчеләрне кабул итәчәкләр. Аннары башка кустларга (Чаллы, Чуаш Кичүе) күченәчәкләр.

Казан табибларына күренәсе авыруларның исемлекләрен участок табиблары һәм урыннардагы фельдшерлар төзи. Бу исемнәргә диспансер исәбендә торучылар һәм икенче кат диспансер каравы үтәргә тиешле кешеләр кертелә.