Әлки хәбәрләре

Әлки районы

18+
Рус Тат
2024 - Гаилә елы
Спорт

Алинә – иң төз атучы

Күптән түгел хәрби-патриотик клубларның Нурлат шәһәрендә узган районара слетында Н.Дәүли исемендәге гимназия укучысы Алинә Шәйхетдинова пневматик мылтыктан ату буенча кызлар арасында беренче урынны яулап кайтты. Алинә 7 "А" сыйныфында укый. Мондый зур бәйгедә беренче тапкыр катнашуы иде аның. Әмма кыз каушап калмады, корал белән ышанычлы эш итеп, көндәшләре арасында иң...

Әлеге бәйге өч тапкыр Советлар Союзы Герое, авиация маршалы Александр Покрышкинның тууына 100 ел тулу уңаеннан үткәрелгән иде. Анда Спас, Аксубай, Балык Бистәсе, Алексеевск, Нурлат һәм Әлки районнарыннан 7-9 нчы сыйныфлар укучылары катнашты. Малайлар-кызлар, пневмомылтыктан атудан тыш, турникта тартылу, автоматны сүтеп җыю һәм башка күп төрле ярышларда үзләренең осталыкларын күрсәтергә тиешләр иде.

Ату ярышында егетләр арасында да беренче урынны безнең укучыбыз яулады. Н.Дәүли исемендәге гимназиянең 9 "Б" сыйныфында укучы Илнур Нурлыхаков төзәп аткан ядрәләр гел мишеньнең нәкъ үзәгенә эләгеп, ул иң күп очко җыючы булды.

Шулай итеп, 6 район арасында ату ярышларында безнең команда беренче урынны алды. Тагын бер егетебез - шулай ук гимназия укучысы Илназ Садретдинов турникта тартылу буенча шәп чыгыш ясады һәм икенче призлы урынга лаек булды. Безнең команда интеллектуаль викторинада да икенче урынга чыкты.

Гомумән алганда, безнең команда районара слет-бәйгедә гаять уңышлы чыгыш ясады. Монда укучыларны ярышларга әзерләгән педагоглар - гимназия директорының тәрбия эшләре буенча урынбасары Резидә Сабированың һәм ОБЖ укытучысы Олег Астафьевның да өлеше зур.

Хәрби-патриотик клубларның әлеге районара слеты алтынчы тапкыр үткәрелде. Слетларның һәркайсында Әлки егет һәм кызлары әйбәт нәтиҗәләр күрсәтәләр. Әмма быел безгә беренче урынга чыгу өчен берничә төр ярыш буенча әзерлегебез бераз җитеп бетмәде. Шуңа да Казан шәһәрендә үтәсе республика слетында катнашу хокукын ала алмадык. Алга таба мондый бәйгеләргә тагын да җитдирәк һәм ныграк әзерләнәчәкбез.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев