Алпар мәктәбе командасы баскетбол буенча Әлки районы беренчелегендә җиңде

Баскетбол буенча район беренчелегендә биш мәктәп командасы катнашты. Иң көчлеләр булып Алпар мәктәбе укучылары чыкты. Көмешне Нәби Дәүли исемендәге гимназия командасы яулады. Лидерлар өчлегенә Базарлы Матак урта мәктәбе укучылары да керде. Турнир нәтиҗәләре буенча иң яхшы уенчыларны да билгеләделәр. Рания Әхмәтҗанова, Алия Дәүләтшина, Илүзә Хәйруллина яхшы нәтиҗәле уен күрсәттеләр.

Ярышлар Нәби Дәүли исемендәге гимназия  һәм Алпар урта мәктәбе физик культура укытучылары Олег Астафьев һәм Раил Гатауллин инициативасы белән үткәрелде.