Әлки хәбәрләре

Әлки районы

18+
Рус Тат
2024 - Гаилә елы
Спорт

Авыр, дип тормыйча, күтәрәләр генә

Пауэрлифтинг - авыр атлетиканың бер юнәлеше, яткан килеш штанга күтәрү дигән сүз. Зур физик көч, нык исәнлек таләп итүче бу спортны массакүләм дип әйтеп булмый, һәрхәлдә, республика ярышларында барлык районнар да үз вәкилләрен җибәрә алмый.

Ә безнекеләр пауэрлифтингны үз итте. Әле генә үткән Татарстан чемпионатында тулы команда катнашты Әлки районыннан. Һәм нәтиҗәләр дә әйбәт: 59 кг га кадәрге үлчәү категориясендә Әнҗерәдән Галимов Илнур өченче урынны яулады, 83 кг га кадәр спортчылар арасында "Алинә" спортзалы хезмәткәре Габидуллин Илһам дүртенче нәтиҗә күрсәтте. Хатын-кызлардан бердәнбер вәкилебез Зыятдинова Гөлнур 84 кг га кадәрге үлчәү категориясендә I урынны яулады!
Ветераннарыбыз да сынатмадылар: 60-69 яшьлекләр арасында Галимов Әнвәр III урынны алды. Үз төркемнәрендә Зыятдинов Касыйм (50-59 яшьлекләр), Гарипов Рәшит (59-60 яшь) Фәттахов Газинур (40-45 яшь) шулай ук III урыннарны яулый алдылар.
Команданы ярышларга тренерлар Зыятдинов Касыйм һәм Фәттахов Газинур әзерләде.

Фәниснең чираттагы җиңүе
Карга авылында туып үскән, хәзер Казандагы "Стрела" спорт клубында шөгыльләнүче Фәнис Низамов та пауэрлифтингта уңышлары белән шаккатыра. Ул сентябрь ахырында спортның бу төре буенча ел саен үткәрелә торган Россия кубогында ярышларда катнашып (Санкт-Петербург шәһәрендә үтте алар), 125 кг авырлык күтәреп, III урынны алды! Ә бит Фәниснең үз авырлыгы 59 кг чамасы гына! Фәниснең остазы - Россия Федерациясенең атказанган тренеры Бәдретдинов Билал. Ә районда аны пауэрлифтинг серләренә беренче булып Зыятдинов Касыйм өйрәткән иде.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев