Чаллы волейболчылары остара

Авыл яшьләренең волейбол буенча район беренчелегендә Иске Чаллы командасы да актив катнаша.

Илнар һәм Илназ Туктамышевлар, Илфат Гадиев, Илнар һәм Илназ Гатаулиннар, Рамазан Хәйдаров һәм аларның иптәшләре башка авылларга барып та җиңү яулыйлар, үз мәйданчыкларында да сынатмыйлар. Югары Колчурино волейболчыларын җиңеп кайткач, район үзәгеннән килгән «Динамо»ны да «елатып» җибәргәннәр.

Кызлар командасы да оста уенчылары белән мактана ала. Вафина Тәнзилә, Гыйниятуллина Рәзинә, Мәрдиева Гөлия, Вафина Чулпан иптәшләре белән агрокөллият филиалының волейбол командысын җиңгәннәр.