Яше-карты ярышка чыкты
Узган якшәмбедә бөтен Татарстанда "Россия чаңгы юлы" ярышлары үтте. Билгеле, әлкилеләр дә әлеге спорт бәйрәменнән читтә калмады. Бу көнне "Яшь имәннәр" балалар савыктыру лагере базасында мәктәп укучылары, авыл җирлекләре вәкилләре, оешмалар һәм предприятиеләр хезмәткәрләре, пенсионерлар арасында чаңгы ярышлары үткәрелде. Анда 277 чаңгычы катнашты. Шулай ук районның барлык гомумбелем мәктәпләрендә укучылар,...
"Яшь имәннәр"дә узышта 25 оешма, 14 авыл җирлеге, 10 мәктәп чаңгычылары катнашты. Ярышларда җиңүчеләр яшь буенча 4 төркемдә билгеләнде.
18 яшькә кадәр булган үсмерләр арасында беренчелекне Борискино мәктәбеннән Виталий Казаков яулады. Иске Матак мәктәбеннән Денис Ирдинкин һәм Семен Юманов икенче-өченче урыннарны бүлештеләр. Кызлар арасында исә призлы урыннарны Дина Демидова (Иске Матак), Снежана Якорева (Чуаш Борнае), Арина Чубукова (Хузангай) алды.
35 яшькә кадәрге хатын-кызлар арасында Мария Ферапонтова (Иске Матак АҖ), Анна Чуманова һәм Лилия Садыйкова (Базарлы Матак мәктәбе) җиңүче булдылар. 35 яшьтән өлкәнрәк хатын-кызлар арасында призлы урыннарны Людмила Якорева (ветберләшмә), Татьяна Стрелкова (үзәк хастаханә), Наилә Сираева (хәрби комиссариат) алды.
35 яшькә кадәрге ир-атлар арасында җиңүчеләр - Владислав Захаров (Борискино АҖ), Артем Советников (Иске Хурада АҖ), Илдар Сөләйманов (электр челтәрләре). 35 яшьтән өлкәнрәк ир-атлар арасында иң яхшы нәтиҗәләрне Николай Ирдинкин белән Михаил Леонтьев (Иске Матак АҖ) һәм Александр Краснов (Югары Колчурино АҖ) күрсәттеләр.
Чаңгыга баскан пенсионерлар да байтак иде. Хатын-кызлар арасында Рәмзия Сираҗева (Юхмачы), Рокыя Багауова (Базарлы Матак), Нәфисә Гыйльметдинова (Чуаш Кичүе) призлы урыннарга ия булды. Пенсионер ир-атлардан исә Равил Шакиров (Кошки), Исмәгыйль Хәмидуллин (Базарлы Матак), Федор Казачкин (Базарлы Матак) җиңүчеләр булды. Алдынгы урыннарны алучылар башлыклар, грамоталар һәм призлар белән бүләкләнде.
Чаңгы ярышларына бөтен гаиләләре, балалары белән килүчеләр дә елдан-ел арта бара. Чаңгы юлында үткән ял иң рәхәте дә, иң файдалысы да шул.
Иң мөһим һәм кызыклы язмаларны Татмедиа Telegram-каналында укыгыз
