Әлки көрәшчеләре Пермьда сынатмадылар

5-7 февральдә Пермь краеның Барда авылында сугышчы интернационалистлар истәлегенә багышлап үткәрелгән билбаулы көрәш буенча Бөтенроссия турнирында безнең кызлар-егетләр дә катнашты.Татар Борнаеннан Елизавета Трофимова белән Татар Суксуыннан Арина Таймасова 15-17 яшьлек кызлар арасында 1-2 урынга лаек булдылар.

Егетләр арасында үз үлчәү категорияләрендә безнекеләр мондый нәтиҗәләр күрсәттеләр: Каргадан Айнур Фәттахов, Әхмәттән Илсаф Хәйруллин 1 урында, Базарлы Матактан Альберт  Рәхматуллин, Иске Тахталыдан Кирилл Лованов 2 урында, Салманнан Владимир Журавлев һәм Базарлы Матактан Илзат Әхмиров 3 урында.

Яшь көрәшчеләрне ярышларга тренерлар Илдар Әхмиров, Рәмис Вафин, Фирьяз Кашапов, Алмаз Абдуллин, Ксения Хәйруллина, Илмир Хәйруллин хәзерләделәр.