Әлки районы пенсионерлар командасы республика Спартакиадасында сигезенче урын алды

Аңа кадәр пенсионерларыбыз район Спартакиадасында көч сынаштылар. Һәр авыл җирлегеннән дүрт кешелек команда теннис, җиңел атлетика, йөзү, ату, дартс буенча ярышты. Анда иң көчлеләр һәм җитезләр ачыкланды.Алар арасыннан ун кеше республика бәйгесендә район данын якладылар. Район ветераннар оешмасы җитәкчесе Ришат Хәлиуллин әйтүенчә, спорт белән шөгыльләнергә һәвәс һәм ярышларда теләп катнашучы өлкәннәребез күп.