Әлки ватерполчылары Россия беренчелегендә Новосибирск командасын җиңде

Су полосы буенча Россия беренчелегенең беренче туры Дзержинск шәһәрендә уза. Анда тренер Александр Георгадзе җитәкчелегендә безнең малайлар командасы да катнаша. Алар башта Россия чемпионы – Мәскәү өлкәсенең Балашиха шәһәре командасына 10:6 исәбе белән оттырганнар иде. Ә кичә “Актай” Новосибирск ватерполчылары белән очрашкан һәм 12:8 исәбе белән җиңү яулаган.

Александр Георгадзе хәбәр итүенчә, чемпионатның икенче турын 8-13 декабрьдә Базарлы Матакта үткәрү күздә тотыла.