12 майда 9 нчы сыйныфлар укучылары татар теленнән бердәм республика тесты тапшырачак

12 майда 9 нчы сыйныфлар укучылары беренче имтихан - татар теленнән бердәм республика тесты - тапшырачак.

Быел беренче мәртәбә тугызынчыларда имтихан видеокүзәтү астында уза. Имтихан пунктына укучылар шулай ук металл эзләү җайланмалары белән тикшереп үткәреләчәк. Имтиханнар үткәрү пункты Базарлы Матак урта мәктәбендә урнашкан. Анда 226 укучы сынау бирәчәк. Тагын 5 бала (инвалидлар һәм читтән күченеп кайтып, телне бик аз вакыт өйрәнүчеләр) имтиханны үз мәктәпләрендә тапшыра. Тугызынчылар тагын математикадан һәм рус теленнән бердәм республика тесты узачак. Моннан тыш, укучылар үзләре теләгән фәннән имтихан тапшыра ала