Безнекеләр калышмый

Казанда пенсионерлар арасында үткән "Компьютер Land: "Третий возраст"-2015" дип аталган конкурста безнең районнан пенсионер Валентина Желтухина катнашты.

Ул 69 конкурсант арасында "MicrosoftWord 2007"дә иң яхшы эш" номинациясендә икенче, "Электрон хөкүмәт Дәүләт хезмәтләре" Интернет порталыннан файдаланып башкарган иң яхшы эш" номинациясендә өченче урынны яулады. Компьютерны бик әйбәт белгәне, конкурс биремнәрен тиз һәм дөрес итеп үтәгәне, гомумән, конкурсның барлык критерийларына җавап биргәне өчен Валентина Семеновнаны Пенсия фонды идарәсе, Россия пенсионерлары союзының төбәк идарәсе мактау грамоталары һәм кыйммәтле бүләкләр белән бүләкләде.