Татарстан районнарына гражданнарның шәхси хуҗалыкларындагы савым сыерлары һәм кәҗәләре өчен бюджет акчасы күчерелгән. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.
Ведомство субсидия бер баш савым сыерына 3 мең сум, савым кәҗәсенә һәм бер яшьтән өлкәнрәк кәҗә өчен 1 мең сум күләменнән түләнә дип искәртә.
Савым сыерлары өчен барлыгы 320 млн сум күчерелгән, савыла торган кәҗәләр һәм 1 яшьтән өлкәнрәкләр өчен - 36 млн сум.
"Финанс ярдәм савым сыерлары, кәҗәләр һәм бер яшьтән өлкәнрәк кәҗәләрнең баш санын саклап калу, терлекчелек продукциясен арттыру, шулай ук халыкның мәшгульлеген һәм керемен арттыру максатыннан күрсәтелә", - дип ачыклык керттеләр министрлыкта.
Нет комментариев