Тана алучыларга акчалата ярдәм

Шәхси ярдәмче хуҗалык алып баручыларга быел буаз тана сатып алуга тотылган чыгымнарның бер өлеше субсидия рәвешендә кире кайтарыла.

Шәхси ярдәмче хуҗалыкка әлеге субсидия бер генә мәртәбә, авыл хуҗалыгы предприятиеләреннән яңа сатып алынган һәр буаз тана өчен 15 мең сум исәбеннән бирелә. Бер хуҗалыкка күп дигәндә 5 тана өчен ярдәм күрсәтелә. Субсидия күләме сатып алынган терлекләр бәясенең яртысыннан артмый. Субсидия алуга кагылышлы сораулар белән авыл җирлекләре башкарма комитетларына мөрәҗәгать итәргә кирәк.