Әлки районында иң күп сөтне Чаллы халкы сата

Соңгы ункөнлектә шәхси хуҗалыклар 152 тонна сөт саткан.

Бу узган елның шул чорындагыдан 9 тоннага күбрәк. Индивидуаль сектордан сөт сатуда Иске Чаллы авыл җирлеге әйдәп бара. Биредә ун көндә 15,2 тонна сөт җыеп тапшырылган. Салман (15,1 тонна), Түбән Әлки (11,7 тонна), Базарлы Матак (11,1 тонна) җирлекләре шулай ук күп сөт сатучылар рәтендә. Ә менә Чуаш Кичүе, Югары Колчурино, Яңа Үргәгар авыл җирлекләрендә сөт сату кимегән. 10 февральдән кабул итү пунктлары сөтнең литры өчен 19 сумнан исәп-хисап ясый.