Әлки районында сөтне 22 сумнан кабул итәләр

1 ноябрьдән сөтне сатып алу бәяләре берникадәр артты.

Район халкыннан сөт кабул итүче "Молпром" аның һәр килограммы өчен 22 сум акча бирә. Түбән Әлкидә эшмәкәр Шәйхетдиновлар сөтне 20 сум 50 тиеннән кабул итә.

Сүз уңаеннан: шәхси сектордан сөт хәзерләү быенча Чуаш Кичүе авыл җирлеге беренче урында. Биредә тәүлек саен 1700-1800 кг сөт җыела. Түбән Әлки җирлеге буенча әлеге күрсәткеч 1650 кг, Иске Алпарда 1590 кг. Сөт бәясе күтәрелгән чорда бу җирлекләрдә яшәп сыер тотучылар өстәмә керем алу мөмкинлегеннән рәхәтләнеп файдаланалар.