Миләүшә гөле һәрчак чәчәктә утырсын өчен КИҢӘШЛӘР

Чүлмәге артык зур булмасын, биеклеге якынча 10 см лысын сайлагыз, диаметры 13 см дан артмасын.

Чүлмәк төбенә керамзит һәм агач күмере салып калдырыгыз.

Гөлгә суның җылысын гына сибегез.

Миләүшә гөлен, чәчәкләре барлыкка килә башлагач, аена ике тапкыр тукландырыгыз. Моның өчен "Кемира-Люкс" дигән ашлама әйбәт.

Гөлне күчереп утыртканда чүлмәген алыштырмагыз, туфрагын гына яңартыгыз.

Кипкән яфраклары, чәчәкләрен гел алып торыгыз.