Идел буйлап – Мәскәүгә

Базарлы Матакта яшәүче тыл ветераны Роза Курмашова Татарстан делегациясе составында Идел буйлап теплоходта сәяхәт итеп, Мәскәүдә булып кайтты.

19-29 майда республиканың бер төркем сугыш һәм хезмәт ветераннары өчен теплоходта Идел буйлап сәяхәт оештырылган иде. Ветераннар күп кенә шәһәрләрдә туктап, истәлекле урыннарны тамаша кылганнар. Мәскәүдә дә алар өчен бихисап экскурсияләр оештырылган. Әлеге кызыклы һәм бай эчтәлекле сәяхәттән Роза ханым Курмашова бик тәэсирләнеп кайткан. Ветераннар өчен шундый искиткеч ял оештыручыларга ул бик рәхмәтле.