Әлки хәбәрләре
  • Рус Тат
  • Беренче төркем инвалидларга коммуналь түләүләргә 50 процент ташлама каралган. Бу дөрес микән?

    yandex.ru Беренче төркем инвалидларга коммуналь түләүләргә 50 процент ташлама каралган, дип интернеттан укыдым. Бу дөрес микән? Гөлназ Вәлиуллина, Әхмәт авылы. Гөлназның хатын без район социаль яклау бүлегенә юлладык. Бүлек начальнигы Альмира ИБӘТОВА менә болай җавап бирде: -"Россия Федерациясендә инвалидларны социаль яклау турында" федераль закон (24 ноябрь, 1995 ел) нигезендә, беренче...

    yandex.ru
    Беренче төркем инвалидларга коммуналь түләүләргә 50 процент ташлама каралган,
    дип интернеттан укыдым. Бу дөрес микән?
    Гөлназ Вәлиуллина,
    Әхмәт авылы.
    Гөлназның хатын без район социаль яклау бүлегенә юлладык. Бүлек начальнигы Альмира ИБӘТОВА менә болай җавап бирде:
    -"Россия Федерациясендә инвалидларны социаль яклау турында" федераль закон (24 ноябрь, 1995 ел) нигезендә, беренче төркем инвалидларга торак һәм коммуналь хезмәтләр өчен түләүгә ташлама-субсидия түләнә. Субсидия торак фондының нинди төрдә булуына карамастан бирелә. Ә үзәктән ягу булмаган торак йортларда яшәүчеләргә билгеләнгән нормалар кысаларында сатып алына торган ягулык бәясенә, торак-коммуналь хезмәтләр өчен түләү чыгымнарының 50 проценты күләмендә субсидия түләнә. Бу ташлама ай саен инвалидның яшәү (прописка) урынындагы почта бүлекчәсенә күчерелә. Түләнә торган субсидия ай саен төрлечә була, чөнки бит торак-коммуналь хезмәтләр өчен дә һәр айда төрле сумма түләнә.
    Хәзер балачактан инвалидларга, беренче, икенче, өченче төркем инвалидларга каралган субсидия-ташламалар алар белән бергә яшәүче бүтән кешеләргә түләнми. Торак-коммуналь хезмәтләр өчен түләүгә субсидия-ташлама 18 яшькә кадәрге инвалид балаларның һәм Бөек Ватан сугышы инвалидларының гына барлык гаилә әгъзаларына түләнә.
    Гөлназ Вәлиуллинага законда каралган барлык социаль яклау чаралары билгеләнде һәм алар үзвакытында түләнеп бара.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: