Әлки хәбәрләре
  • Рус Тат
  • “Әлки хәбәрләре” редакциясе бинасы тирәсе чәчәкләргә күмелер. ФОТО

    "Әлки хәбәрләре" редакциясендә - өмә!

    Язу-сызу эшләрен тиз-тиз төгәлләп, әбәттән соң бөтен коллектив белән бакчада эшләргә чыктык.

    Ә безнең бакча мәйданнары шактый. Ир-егетләребез һәр бакча участогын (бездә өч палисадник) һәйбәтләп казып, мамык мендәр кебек күперттеләр. Алардан соң гүзәл затлар эшкә кереште. Хасиятләп, сулар сибеп аллы-гөлле чәчәкләр - петунияләр, бегонияләр, нарцислар, агератум, цинерария, кашкарыйлар (астра), циния, бәрхет гөлләре, флокслар һ.б.- утыртып чыктык. Билгеле, аларны җәй буе карап-тәрбияләп, су сибеп, төпләрен йомшартып, чүп үләннәрен утап торырбыз. Бакчаларыбыз гөлләргә күмелеп, үзебезнең генә түгел, үтеп-сүтеп йөрүчеләрнең дә күзләрен иркәләр, кәефләрен күтәрер.

    Соңгы вакытта без елның елында бакчабызга чәчәкләр утыртабыз. Әйләнә-тирәне чиста-матур тоту, чәчәкләр үстерү буенча игълан ителгән бәйгедә 2015 елда редакция район үзәгендә беренче урынны алды.

    Сүз уңаеннан шуны да әйтик, 2017 елны каршы алырга әзерләнгәндә бинабызны һәм тирә-юнебезне Яңа елга бәйрәмчә әзерләү буенча редакция шулай ук призлы урынга лаек булды.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: