Әлки хәбәрләре
  • Рус Тат
  • Әлки районы башлыгы Александр Никошин район халкын Яз һәм хезмәт бәйрәме белән котлады

    “Күп еллар буе  “Тынычлык! Хезмәт! Май!” шигаре астында билгеләп үтелгән бу бәйрәмнең хәзер исеме үзгәрсә дә,  асылы шул ук калды.

    Реклама

    1 Май – халыклар бердәмлеге, хезмәт тантанасы бәйрәме ул. Әлки ягы тырыш, уңган кешеләре белән дан тота. Районыбызда төрле милләт халыклары дус, бердәм булып яши, һәр тармакта матур күрсәткечләргә ирешеп хезмәт итә. Ә яз – авылда эшнең кызган чагы. Барлык хуҗалыкларда язгы кыр эшләре башланды. Игенче-механизаторларга авыр һәм мактаулы хезмәтләрендә уңышлар телик. Һава шартлары уңай килеп, басуларда мул уңыш үстерергә һәм аны югалтуларсыз җыеп алырга насыйп булсын. Бүген  чистарту-төзекләндерү эшләре өчен дә иң кулай вакыт. Өмәләр үткәреп, авылларыбызда чисталык һәм тәртип урнаштырыйк, агачлар, чәчәкләр утыртыйк. Якынлашып килүче олы бәйрәм – Бөек Җиңү көнен яхшы әзерлек белән каршы алыйк.
    Хөрмәтле райондашлар! Һәркайсыгызны Яз һәм хезмәт бәйрәме белән ихластан тәбриклим. Сәламәтлек, гаиләләрегезгә бәхет, муллык-бәрәкәт, хезмәт күтәренкелеге, уңышлар телим. Илдә тынычлык, һәр йортта иминлек хөкем сөрсен!”–диелә район башлыгы котлавында.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: