Әлки хәбәрләре
  • Рус Тат
  • Әлки районы талпан кадалу куркынычы аеруча зур булган төбәк санала

    Татарстанда талпан чоры башланган.

    Белгечләр әйтүенчә, быел алар узган ел белән чагыштырганда өч көнгә иртәрәк - 12 апрельдә уянган. Кыска гына вакыт эчендә талпаннар республикада биш кешегә зыян салырга да өлгергән инде. Матбугат чаралары хәбәр итүенчә, Татарстанның 30 төбәгендә, шул исәптән безнең Әлки районында талпан кадалу хәвефе аеруча зур икән. Бу кечкенә бөҗәк кешегә энцефалит һәм боррелиоз кебек гаять куркыныч авырулар йоктырырга мөмкин. Шуңа күрә алардан саклану чараларын күрү зарур. Талпан күбесенчә үзенең "корбанын" биек үләндә көтеп тора, дип кисәтә белгечләр. Табигатькә чыкканда, урманга барганда талпан тәнгә үтеп керә алмаслык итеп киенергә кирәк. Урманда булып кайткач һичшиксез бөтен тәнне җентекләп тикшерү мәслихәт. Талпан кадалган булса, ярдәм сорап медицина хезмәткәрләренә мөрәҗәгать итү хәерле.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: