Әлки районында эшмәкәрләр арасында иң матур территориягә бәйге игълан ителде

Эшмәкәрләребез район халкына хезмәт күрсәтү буенча күп төрле эшләр башкаралар. Аларның байтак башлангычлары район җитәкчелеге тарафыннан яклау таба. Бүген инде аякларында нык басып торучы эшкуарларыбыз, үзләрен таныткан шәхси предприятиеләребез байтак. Авылларыбызның йөзен күркәмрәк итүдә дә алар үз өлешен кертсен иде. Район башкарма комитеты эшмәкәрләр арасында иң төзек һәм матур территориягә бәйге игълан итә. Аңа нәтиҗәләр ясаганда кече бизнес вәкилләренең үз мәйданнарын чисталыкта-тәртиптә тотуы белән бергә, территорияләрендә агачлар, чәчәкләр утыртылуы да исәпкә алыначак.