Әлки районында өлкәннәр һәм инвалидлар интернат-йорты хәйриячеләр ярдәмен тоеп яши

Юхмачыдан Гөлүсә Мурсалимова, Фаяз Касаев, Гөлшат Мисбахова, Рафис Ганиуллин интернатка төрлечә булышып торалар. Базарлы Матакта яшәүче эшмәкәрләр Раил Мысыргалиев, Римма Гирфанова, Гөлсинә Дәүлиева, Владимир Иванов, Дмитрий Кашков шулай ук өлкәннәр йорты белән даими элемтәдә торалар, күп мәсьәләләрдә матди ярдәм күрсәтәләр.

Интернат җитәкчелеге һәм анда тәрбияләнүчеләр бу мәрхәмәтле райондашларыбызга бик рәхмәтле. Аларга сәламәтлек, эшләрендә уңышлар телиләр.