Әлки хәбәрләре
  • Рус Тат
  • Әлки районында авыл исемен алмаштырырга телиләр

    ​​​​​​​Әлки районының Сихтермә-Хузангай авылы атамасын алмаштыру турындагы беренчел тыңлаулар 24 июньдә булачак.

     Әлеге карар Татарстан республикасының дәүләт төзелеше һәм җирле үзидарә буенча комитеты утырышында кабул ителгән.

    Әлеге авыл чуаш шагыйре Петр Хузангай исемен йөртә. Баштан авыл Сихтермә дип аталган, аннары аны Хузангайга алмаштырганнар. Әмма 2004 елда җирле халык авылга борынгы чуаш атамасын кайтаруны сорап мөрәҗәгать иткән.

    Татарстан Республикасы парламенты карары нигезендә 2004 елның 22 декабреннән авыл Сихтермә-Хузангай дип атала башлый. Һәм менә авыл тарихында тагын яңа борылыш. Быелның февраль аенда аның исемен янә алмаштырырга теләк белдерелде.

    Реклама

    Иске Кората авыл җирлеге советы Сихтермә-Хузангай авылын Сихтермәгә алмаштыру тәкъдиме белән чыкты. Әлеге сорау буенча авыл кешеләре белән җыен үткәрелде. Җыенга халыкның 51,5 проценты килде. Тавыш бирү нәтиҗәләренә караганда, җыенга килүчеләрнең барысы да авыл исемен алмаштыруны дөрес дип санаган. Авыл җирлеге һәм район советы депутатлары да әлеге тәкъдимне хуплады.

     

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: