Әлки хәбәрләре
  • Рус Тат
  • Әлки районында гомерлек укытучының 90 яшьлек юбилее белән котладылар

    Бүген,4 гыйнварда, Иске Матак авылында яшәүче Советникова Надежда Семеновна 90 яшьлек юбилеен билгеләп үтә.

    Гомерен балаларга белем бирүгә багышлаган хөрмәтле педагогка әлеге истәлекле вакыйга уңаеннан Россия Президенты Владимир Путин котлау телеграммасы юллаган.

    Надежда Семеновнаны олы юбилее белән район башлыгы Александр Никошин да кайнар котлады, иң изге теләкләрен ирештерде.

    Тәбрикләүләргә Иске Матак авыл җирлеге башлыгы Николай Кудряшов, мәктәп директоры Мария Чванова да кушылды.

    Реклама

    Мария Николаевна Надежда Советникованың үзенең укытучысы булуын да әйтте, аны һәрчак олы хөрмәт белән искә алуларын билгеләп үтте.

    Юбиляр үзен шулай олылаганнар өчен рәхмәтләрен җиткерде, һәрчак кайгырту, ихтирам тоеп яшәвен әйтте.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: