Әлки районында кибетләргә битлексез керү тыела

Татарстан хөкүмәте шундый карар кабул итте. Роспотребнадзор идарәсенең Нурлат, Аксубай, Әлки һәм Чирмешән районнарында баш белгеч-эксперты Алмас Абзалов әйтүенчә, кибетчеләр үзләре дә битлектән һәм перчаткалардан булырга, сатып алучылардан да шуны таләп итәргә тиешләр. Кибетләрдә шулай ук халыкның күпләп җыелуына (скученность)  юл куярга ярамый. Кешеләрнең анда ике метр дистанция саклап, чиратлап кына керүе зарур. Кибетләрдә тикшерүләр үткәрелә, битлексез йөрүчеләргә карата җәза чаралары күрелүе дә мөмкин.