Әлки хәбәрләре
  • Рус Тат
  • Әлки районында кырга чыгасы техниканың әзерлеген тикшерделәр

    Районда язгы кыр эшләрендә катнашасы техниканың төзеклеген тикшерделәр.

    Тракторлар һәм тагылма агрегатларның әзерлегенә Татарстан Авыл хуҗалыгы һәм азык-төлек министрлыгы белгечләре катнашындагы комиссия бәя бирде. “ВостокЗернопродукт”тагы 167 тракторның 130 ы кырга бүгеннән чыгарга әзер. Чәчкечләрнең дә әзерлеге әйбәт – 70 нең 69 ы төзек. 12 чәчү комплексының берсе генә ремонтланып бетмәгән.

    “Хузангай”да тагылма агрегатлар әзер. Ә менә тракторларга игътибар кирәк әле, бүгенгә 54 нең 47 се төзек. “Яшь көч”тә исә 5 тракторның 4 есе төзекләндерелгән, 6 чәчкеч тә ремонтланып бетү алдында.

    Реклама

    Крестьян-фермер хуҗалыкларында тырмалар ремонтланып бетү алдында. Башка тагылма агрегатлар буенча әле эшлисе бар.

    Комиссия  машина-трактор паркының торышын да күздән кичерде. Шулай ук ашламалар, чәчүлек орлык запасы буенча эшлекле тәкъдимнәр әйтелде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: