Әлки хәбәрләре
  • Рус Тат
  • Әлки районында җәмәгать транспортындагы кешеләрнең индивидуаль саклану чараларын ничек куллануын тикшерәләр

    Көн саен полиция хезмәткәрләре һәм район хакимияте вәкилләреннән торган мобиль төркемнәр маршрут транспорт чараларында йөрүчеләрнең маска һәм перчатка режимын ничек үтәвен тикшерү буенча рейдлар үткәрәләр.

    Тикшерү вакытында пассажирларның индивидуаль саклану чараларыннан булмавы ачыкланса, аларга транспорттан төшеп калырга тәкъдим ителә. Мондый гражданнарга  карата РФ Административ хокук бозулар турындагы кодексның 20.6.1 маддәсе 1 бүлеге буенча административ беркетмә төзелә. Закон нигезендә кагыйдә бозучыларны кисәтү яисә бер меңнән 30 мең сумга кадәр штраф салу каралган. Ә вазыйфаи затлар –10 меңнән 50 мең сумга кадәр, юридик зат хасил итмичә эшмәкәрлек эшчәнлеге алып баручылар – 30 меңнән 50 мең сумга кадәр, юридик затлар 100 меңнән 300 мең сумга кадәр штрафка тартылырга мөмкин.

    Район ЮХИДИ хезмәткәрләре такси һәм вахта автобусларында йөрүче кагыйдә бозучыларны ачыклаган, аларга карата административ материаллар төзелгән.

    Әгәр пассажир җәмәгать транспорты салоныннан төшеп калудан баш тартса, полиция наряды чакыртыла. Мондый профилактик чаралар район үзәгендә һәм башка авылларда үткәрелә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: