Әлки хәбәрләре
  • Рус Тат
  • Әлки районында мөмкинлекләре чикләнгән балалар өчен Яңа ел чыршысы үткәрелде

    Район мәдәният йорты фойесында купшы итеп бизәлгән чыршы янына мөмкинлекләре чикләнгән балалар Яңа ел бәйрәменә чакырылды.

    Төрле авыллардан килгән малайлар-кызларны Кыш бабай һәм Кар кызы, әкият геройлары – җәнлек-җанварлар каршы алды. Чыршы тирәсендә төрле уеннар уйнатып аларның күңелләрен күтәрделәр, Яңа ел турында маҗаралар тулы әкият күрсәттеләр. Балаларны бәйрәм белән тәбрикләргә район башлыгы Александр Никошин да килгән иде. Ул сабыйларга да, әти-әниләренә дә нык сәламәтлек, иминлек теләде. “Тырышып укыгыз, балалар, үзара аралашып, дус һәм тату яшәгез. Яңа ел һәркайсыгыз өчен уңышлы булсын. Барлык күркәм уй-хыялларыгыз тормышка ашсын!”–дип изге теләкләрен җиткерде. Район башлыгы шулай ук балаларын Чыршыга алып килгән әти-әниләрне дә бәйрәм белән котлады, “Проблемаларыгыз, хәл ителмәгән мәсьәләләрегез булса, социаль хезмәтләргә мөрәҗәгать итегез, сезгә һичшиксез тиешле ярдәм күрсәтелер”,–диде.

    Реклама

    Бәйрәмгә чакырылган 115 балага татлы Яңа ел бүләкләре тапшырылды.  

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: