Әлки хәбәрләре
  • Рус Тат
  • Әлки районында сарымсак плантациясе булачак

    Борискино авылында яшәүче Вячеслав Тутеров 12 гектар җиргә сарымсак утырта.

    Моның өчен ул күрше Спас районыннан җиде капчык югары сортлы сарымсак орлыгы сатып алган. Әлеге культураның чәчкечен Вячеслав арендага алып торган. Махсус ашламалар да сатып алган. Бу хакта безгә Борискино авыл җирлеге башлыгы Галина Самарина сөйләде. Ул Вячеславның авыл тормышы өчен янып-көеп йөрүен, кышларын үзенең тракторы белән урамнарны кардан чистартырга булышуын да әйтте.

    Тырыш ир хәзер әлеге витаминлы яшелчәне чәчү белән мәшгуль. Бу эшләрен төгәлләгәч ул газета укучылар белән үзенең бизнесы серләрен уртаклашырга сүз бирде. Уңган эшмәкәр белән интервьюны газетабызның киләсе саннарында һәм безнең сайтта укырсыз.  

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: